Ауа райы күрт өзгереді: Еліміздің бірнеше облысында 43 градусқа дейін ыстық күтіледі
Теңіз Тамшыбаев
АвторҚазақстан аумағында 14 мамырдан бастап аптап ыстық пен күрделі ауа райы құбылыстары күтілуде. Қазгидрометтің хабарлауынша, еліміздің кейбір өңірлерінде температура 43 градусқа дейін көтеріліп, өрт қаупі айтарлықтай артады.
Батыс өңірлер:
Батыс Қазақстан облысының кей аймақтарында нөсер жауын мен найзағай болжанып отыр. Бұршақ жаууы мүмкін. Жел бағыты өзгеріп, екпіні секундына 15-20 метрге дейін жетеді.
Ұлытау облысы:
Температура 35-38 градусқа дейін көтеріледі. Өңірде өрт қаупі жоғары, ал орталық бөлігінде төтенше деңгейге дейін жетуі ықтимал.
Маңғыстау облысы:
Кей жерлерде найзағай ойнап, күндіз шаңды дауыл тұрады. Жел екпіні 15-20 м/с. Облыстың солтүстік-шығысында өрт қаупі төтенше деңгейде сақталады.
Қарағанды облысы:
Батысы мен оңтүстігінде 36 градус аптап ыстық күтіледі. Өрт қаупі жоғары, кейбір аймақтарда – төтенше.
Жетісу облысы:
14-16 мамыр аралығында күндізгі температура 35-39 градусқа дейін барады. Жел күшейіп, таулы аудандарда екпіні 15-20 м/с-қа дейін жетеді. Облыс бойынша өрт қаупі өте жоғары.
Ақтөбе облысы:
Батысында найзағай мен бұршақ болжануда. Жел бағыты өзгеріп, екпіні күшейеді. Оңтүстігінде 38 градусқа дейін ыстық күтіледі. Бірнеше аймақта өрт қаупі жоғары және төтенше деңгейде.
Қызылорда облысы:
Бұл өңірде күн 40-43 градусқа дейін ысиды. Өрт қаупі – өте жоғары деңгейде.
Шығыс Қазақстан және Абай облыстары:
Найзағай, бұршақ, жел және жоғары өрт қаупі болжанған. Абай облысында орталық пен солтүстік-батыста төтенше өрт қаупі бар.
Павлодар облысы:
Солтүстікте қатты жаңбыр мен бұршақ, ал облыс көлемінде найзағай мен қатты жел күтіледі. Көптеген аймақтарда өрт қаупі жоғары.
Солтүстік Қазақстан мен Ақмола облыстары:
Түнде жаңбыр, тұман, найзағай мен бұршақ күтіледі. Жел секундына 20 метрге дейін күшейеді. Ақмолада 15 мамырда 36 градусқа дейін ыстық болжанып отыр. Екі өңірде де өрт қаупі жоғары, кей жерлерде – төтенше.
Қостанай облысы:
Найзағай, тұман және қатты жел күтіледі. Оңтүстігінде өрт қаупі жоғары.
Атырау облысы:
Кей жерлерде нөсер жаңбыр, бұршақ, найзағай және шаңды дауыл болжануда. Жел күшейеді. Өрт қаупі – жоғары.
Жамбыл және Алматы облыстары:
Таулы аймақтарда найзағай, ал жекелеген жерлерде шаңды дауыл тұрады. 14-16 мамырда Алматы облысында 39 градусқа дейін ысуы мүмкін. Екі облыста да өрт қаупі жоғары, кей жерлерде төтенше деңгейде.
Ескерту:
Мамандар төтенше ыстық пен өрт қаупіне байланысты сақ болуға шақырады. Орманды және дала алқаптарында от жағудан, ашық отты пайдаланудан бас тартқаныңыз жөн. Сондай-ақ көлікпен ұзақ сапарға шығарда ауа райын қадағалауды ұмытпаңыз.
