Келесі күндері еліміздің біраз өңірінде найзағай ойнап, жаңбыр жауады. Сонымен қатар, кей аймақтарда 43 градусқа дейін ыстық болады, деп хабарлайды Anyqtime.kz.
Синоптиктердің хабарлауынша, шілденің 19-ы мен 21-і аралығында Қазақстанда тұрақсыз ауа райы сақталады. Көптеген өңірлерде найзағай ойнап, өткінші жаңбыр жауады. Кей жерлерде бұршақ түсіп, жел күшейеді.
19 шілде күні солтүстік және орталық өңірлерде қатты жауын-шашын болады. Ал 20 шілдеде республиканың шығысында нөсер жаңбыр мен дауыл болуы мүмкін. Ауа райының құбылуы атмосфералық фронттардың өтуімен байланысты.
Аптаның соңына қарай ел аумағына солтүстік-батыс антициклоны әсер етіп, бұл жаңбырдың саябырсуына және ауа температурасының төмендеуіне алып келеді. Алайда желдің күшеюі жалғасады. Оңтүстік пен оңтүстік-батыста шаңды дауыл тұруы ықтимал.
Түнгі және таңғы уақытта солтүстік өңірлерде тұман түседі. Сонымен қатар, елдің батысы мен оңтүстік-батысында 43 градусқа дейін аптап ыстық болжанған. Солтүстік-батыс пен шығыста 40°С, ал оңтүстік-шығыста 42°С шамасында болады.