Семейде орталық полиция бөлімінің қарсы алдында бірнеше ер адам бір азаматты ұрып-соғып, пышақтаған сәт камераға түсіп қалды, деп хабарлайды Anyqtime.kz ақпараттық агенттігі.
Оқиға күндіз жаяу жүргіншілер өткелінің қасында болған. Бірнеше ірі денелі азамат жәбірленушіні асфальтқа құлатып, бірнеше мәрте жұдырықпен соққы жасаған. Сол сәтте шабуылдаушылардың бірі қолындағы пышақты шығарып, зардап шеккенге бірнеше рет сұғып жіберген.
Куәгерлер көргенін телефонға түсіріп, бейнені әлеуметтік желіге жариялаған. Пікір қалдырушылар қылмыс орталық полиция бөлімінің тура қарсысында жасалғанына қарамастан, ешкім көмектеспегенін жазды. Тек бір ғана жүргінші араша түсуге тырысқан.
Абай облысының полиция департаменті бұл оқиғаға қатысты әзірге түсініктеме берген жоқ.