Король Чарльз III-тің денсаулығы нашарлады: қайғылы ақпаратты БАҚ хабарлады

БАҚ Чарльз III-тің денсаулығы нашарлағанын хабарлады: монарх Норфолктегі резиденциясында әрең қозғалады деген мәлімет тарады, деп хабарлайды Anyqtime.kz ақпараттық агенттігі RadarOnline сайтына сілтеме жасап.

Ұлыбритания королі Чарльз III-тің денсаулығына байланысты қиындықтары күшейгені туралы хабар тарады. Монархқа жақын ортаға сілтеме жасаған RadarOnline басылымының мәліметінше, ол Норфолктегі резиденциясында қозғалысын барынша шектеп, қимылдағанда қатты қиналатын болған. Дереккөзі атап өткендей, бұл жағдай соңғы апталарда айқын сезіле бастаған.

«Король өз дертімен ауыр, бірақ үмітсіз күрес жүргізіп жатыр. Бұл – оның үшін қайғылы аяқталу, алайда ол көпшілікке сыр бермеуге тырысып жүр», – делінеді жарияланымда. Порталдың жазуынша, Чарльз III кей сәтте таяққа сүйеніп жүреді, ал ауырсынуды басу үшін алкогольге жүгінеді деген ақпарат бар. Бұл деректер ресми түрде расталмағанымен, сарай ішіндегі көңіл күйдің алаңдаулы екенін аңғартады.

Еске сала кетейік, 2024 жылдың басында Чарльз III қуықалды безіне қатысты онкологиялық дертке байланысты операция жасатқан. Ақпан айында Букингем сарайы диагнозды ресми түрде жариялаған. Сол уақыттан бері қоғамдық іс-шараларға қатысу жиілігін азайтқанымен, монарх мемлекет басшысы ретіндегі негізгі міндеттерін жалғастырып келеді.

2025 жылдың наурызында емнің жанама әсерлеріне байланысты ол шұғыл түрде ауруханаға жеткізілген болатын. Кейіннен Чарльз III Лондондағы Кларенс-хаус резиденциясына оралып, дәрігерлердің бақылауында қалды. Қазіргі мәліметтер оның жағдайының оңай емес екенін көрсетеді, ал король отбасы мен жақындары ресми түсініктеме беруден тартынуда.