Тоқаев Прабово Субиантоны Индонезия тәуелсіздігінің 80 жылдығымен құттықтап, Қазақстан–Индонезия достығын нығайтуға әзір екенін айтты, деп хабарлайды Anyqtime.kz ақпарат агенттігі.
Мемлекет басшысы жеделхатында: «Астана мен Джакарта арасындағы өзара түсіністік пен ортақ құндылықтарға сүйенген сенімді әріптестікті жоғары бағалаймын. Екі елдің достық байланысын бірлесіп одан әрі өркендетуге бар күш-жігерімді жұмсауға дайынмын», — деп жазды.
Қасым-Жомарт Тоқаев, сондай-ақ, Прабово Субиантоның сындарлы саясаты мен көшбасшылық қасиеттері Индонезия Республикасын алда да биік белестерге бастайтынына сенім білдірді. Екіжақты қатынастарда сауда, инвестиция және халықаралық ұйымдар шеңберіндегі өзара іс-қимылды кеңейтуге мүдделілік бар екені атап өтілді.