Жол апатына ұшыраған Сәкен Майғазиев жұртқа аман екенін айтты (ВИДЕО)

Әнші Сәкен Майғазиев Түркістан облысында, Сарыағашқа бара жатқан жолда жол апатына түсті. Оқиға жайлы ақпаратты ол Instagram-парақшасында өзі хабарлады, деп хабарлайды Anyqtime.kz ақпарат агенттігі.

Майғазиевтің айтуынша, ең бастысы — адам шығыны жоқ, бәрі аман. «Бір Алла қақты… Жол тар, көлік көп. Бір-бірімізді басып озамыз деп осылай болды. Алла жар болсын. Аман қалғанымызға Аллаға шүкір», — деп тыңдармандарына абай болуды ескертті.

Әлеуметтік желіде тараған видеодан соқтығысқан көліктердің тоқтап тұрғанын көруге болады. Әнші өзіне алаңдаушылық білдірген жұртқа алғыс айтып, «ең маңыздысы — бәріміз аманбыз» дегеніне ерекше мән берді.

Видеоны әлеуметтік желідегі жарияланымнан көруге болады.