Трамп Путин мен Зеленскийдің жеке кездесуіне күмән келтіріп, үшжақты саммиттің өтетініне толық сенімді

АҚШ президенті Дональд Трамп өзі, Владимир Путин және Владимир Зеленский қатысатын үшжақты кездесудің «міндетті түрде» өтетініне сенетінін мәлімдеді. Ал Ресей мен Украина лидерлерінің жеке жүздесуіне күмән келтірді, деп хабарлайды Anyqtime.kz ақпарат агенттігі Daily Caller сайтына сілтеме жасап.

Трамп Daily Caller-ге берген сұхбатында: «Екіжақтыға қатысты айта алмаймын, бірақ үшжақты міндетті түрде болады. Кейде адамдар оған дайын болмайды», – деді. Ол сөз арасында тараптардың келіссөзге бірден бара бермейтінін, бірақ түптің-түбі тоқтауға мүдделі болатынын меңзеді.

Президент соғысты балалар алаңындағы кикілжіңге теңеп, «екі бала бірін-бірі жек көріп, тербелектен түспей қояды, сен тоқтатқың келеді, бірақ олар біраздан соң өздері тоқтағанына қуанады» деген мысал келтірді. Осы тұста ол екі лидердің тез арада көзбе-көз жүздесуіне сенімді емес екенін қайталап айтты.

Ресейлік және аймақтық медиа да Трамптың үшжақты форматқа үміт артып, Путин мен Зеленский арасындағы екіжақты келіссөздің боларына күмәнданғанын жазды. Сұхбат дәл сол Daily Caller басылымына берілгені атап өтілді.

Айта кетейік, бұған дейін Зеленский Трамптың «балалар алаңы» туралы ұқсатуына келіспейтінін ашық мәлімдеген. Ол мұндай салыстыру соғыстың шын зардабын бүркемелейді деп санаған.