«Рухани дерт» — Сара Назарбаева жайлы Бейбіт Сапаралы тосын мәлімдеме жасады

Әлеуметтік желілер мен мессенджерлерде Сара Назарбаеваның қайтыс болғаны жөнінде ақпарат тарады. Алайда бұл мәлімет жалған, деп хабарлайды Anyqtime.kz тілшісі.

Қазақстанның Тұңғыш Президенті Нұрсұлтан Назарбаевтың жұбайы туралы тараған қауесетке жазушы, қоғам қайраткері Бейбіт Сапаралы жауап берді. Ол Sadaq медиа агенттігінің «Дүрбі» жобасына берген сұхбатында:

«Сара апамыз әлі тірі, ол жүйелі түрде ем қабылдап жатыр. Бірақ бұл – жай ғана ауру емес, рухани дерт деуге болады», – деді.

Бейбіт Сапаралы Назарбаевтар әулетіне өте жақын адамдардың бірі саналады. Оның айтуынша, қазіргі уақытта қоғамда тарап жатқан кейбір жалған ақпараттар – әлеуметтік желілердегі жауапсыздықтың көрінісі.