Санитарлардың әрекеті шу тудырды: Психдиспансерде сорақы жағдай тіркелді

«Шымкентте психикалық аурухананың санитарлары пациенттерді зорлады» — деп хабарлайды Anyqtime.kz

Түркістан облысының Психикалық денсаулық орталығының екі санитар-контролері 10 маусымда Шымкент қаласының қылмыстық істер жөніндегі мамандандырылған аралық сотында пациенттерге, оның ішінде кәмелетке толмағанға зорлық жасағаны үшін үкім шығарылды.

Соттың баспасөз қызметінің мәліметінше, қылмыс 2024 жылғы шілде айының ортасында №3 әйелдер бөлімшесінде болған. Қылмыскерлер қызметтік міндеттерін орындау кезінде екі пациенттің — Б. және К. — қорғансыз жағдайын пайдаланып, оларға жыныстық сипаттағы зорлық әрекеттерін жасаған. Кәмелетке толмаған К. сол кезде өз әрекеттерінің мәнін түсінбеген.

Сот ҚР Қылмыстық кодексінің 120-бабының 3-бөлімі, 1-тармағы («Қызметтік міндеттерін орындау кезінде кәмелетке толмағанға зорлық жасау») бойынша екеуін де кінәлі деп танып, әрқайсысына 15 жылға бас бостандығынан айыру жазасын тағайындады және педагогикалық қызметпен және кәмелетке толмағандармен жұмыс істеуге өмір бойы тыйым салды. Жеңілдетуш жағдай ретінде сот күдіктілердің кәмелетке толмаған балаларының бар екенін ескерді.

Сонымен қатар, сот әрбір зардап шеккенге 10 миллион теңге моральдық шығын ретінде және Б. зардап шеккеннің адвокатына 600 мың теңге көлемінде шығынды өтеу міндетін жүктеді. Үкім заңды күшіне енген жоқ және апелляцияға берілуі мүмкін.

Еске сала кетейік, бұған дейін Түркістан облысының Сарыағаш аудандық сотында полицейге зорлық жасағаны үшін 9 жылға бас бостандығынан айыру жазасы тағайындалғаны туралы хабарланған еді.