Ауа райы дабылы: бірнеше облыста қауіпті ыстық болады

Қазақстанның оңтүстік және батыс өңірлерінде 16 маусым күні ауа температурасы +44°С-қа дейін көтерілуі мүмкін. Бұл туралы "Қазгидромет" мамандары мәлімдеді, деп хабарлайды Anyqtime.kz.

Синоптиктердің болжамына сәйкес, алдағы дүйсенбіде еліміздің бірқатар өңірінде атмосфералық фронттардың әсерінен найзағайлы жаңбыр, бұршақ және екпінді жел күтіледі. Алайда оңтүстік аймақтарда құрғақ және өте ыстық ауа райы сақталады.

Аптап ыстық қай өңірлерде тіркеледі?

"Қазгидромет" мәліметінше, төмендегі облыстарда жылдың алғашқы елеулі ыстық толқыны байқалады:

Синоптиктердің болжамына сәйкес, Астана қаласында түнгі уақытта ауа температурасы +16…+18°C шамасында сақталады. Көшпелі бұлттар байқалғанымен, жаңбыр жаумайды. Солтүстік-батыстан соғатын желдің жылдамдығы 3–8 м/с аралығында болады. Ал күндіз ауа температурасы +30…+32°C дейін көтеріліп, аптап ыстыққа жақын жайлы күн күтіледі. Аспанда көшпелі бұлттар қалқып жүрсе де, жауын-шашын жаумайды.

Алматы қаласы бойынша түнгі уақытта ауа температурасы +19…+21°C шамасында болады. Аспан біршама бұлтты болғанымен, жауын-шашын күтілмейді. Солтүстік-батыстан соғатын желдің екпіні 3–8 м/с көлемінде сақталады. Ал күндіз қалада аптап ыстық орнайды – термометр бағаны +32…+34°C дейін көтеріледі. Аспан біршама бұлтты болса да, жауын-шашын болмайды.

 Шымкентте аптап ыстық орнайды – ауа температурасы +38…+40°C дейін жетеді. Аспанда сәл ғана бұлт көрінгенімен, жауын-шашын күтілмейді.Түнгі мезгілде ауа температурасы +21…+23°C аралығында болады. Аспанда аздаған бұлт байқалуы мүмкін, алайда жауын-шашын болмайды. Оңтүстік-шығыстан соғатын желдің жылдамдығы 8–13 м/с шамасында. Ал күндіз Шымкентте аптап ыстық орнайды – ауа температурасы +38…+40°C дейін жетеді. Аспанда сәл ғана бұлт көрінгенімен, жауын-шашын күтілмейді. Мамандар қала тұрғындарына ыстықтан қорғануға, көлеңкеде жүруге, бас киім киіп, жеткілікті су ішіп жүруге кеңес береді. Сонымен қатар, сағат 12:00 мен 17:00 аралығында ашық күн астында көп жүрмеуге шақырады.

Қызылорда мен Түркістан облыстары – күндіз ауа температурасы +44°С-қа дейін жетуі мүмкін;

Жамбыл, Ұлытау және Қарағанды облыстарының батысы – +35...+39°С;

Маңғыстау облысының оңтүстігі мен солтүстік-шығысы – +35...+39°С;

Ақтөбе облысында – +35°С, кей аймақтарда +41°С;

Қостанай облысында – +35...+36°С, оңтүстік бөлігінде +40°С дейін ыстық болады.

 Басқа өңірлерде не күтіледі?

Шығыс Қазақстанда – қатты жаңбыр;

Солтүстік және орталық аймақтарда – тұман (түнде және таңертең);

Барлық өңірлерде жел күшейіп, екпіні 15–20 м/с дейін жетеді.

⚠️ Қауіпсіздік ережелері

Төтенше жағдайлар қызметі мен синоптиктер азаматтарды мына қауіпсіздік шараларын қатаң сақтауға шақырады:

Түскі 12:00 мен 17:00 аралығында күн астында көп жүрмеу;

Күннен қорғану (бас киім, көзілдірік, жеңіл киім);

Мұздатылмаған су ішіп, ағзаны ылғалдандыру;

Балалар мен қарттарды күннің астында қалдырмау;

Ауыл шаруашылығы немесе құрылыс саласында ашық аспан астында жұмыс істейтіндерге – жиі үзіліс жасау ұсынылады.