Қазақстанның халық әртісі Димаш Құдайбергенге «ұрысып тастады»

Қазақстанның халық әртісі Роза Рымбаева танымал әнші Димаш Құдайбергенге сахна сыртында дауыс көтеріп, әлеуметтік желіде сынның астында қалды, деп хабарлайды Anyqtime.kz тілшісі.

Желіде тараған бейнежазбада Димаштың сахна сыртында Роза Рымбаеваға:

– Сізбен сахнаға шығуымның өзі мәртебе ғой. Аман болыңыз, – деп сыпайы тіл қатқаны байқалады.

Алайда халық әртісі оған дауыстап:

– Қойшы! – деп жауап береді.

Бұл қысқа диалог желі қолданушыларының наразылығын тудырды. Көпшілік Рымбаеваның әрекетін тәкаппарлыққа балап, жылы сөздің орнын суық реакция басқанын сынға алды.

– «Розаның іштарлығы ма? Ұят болды»,
– «Бір ауыз жылы сөз айтуға болар еді»,
– «Бибігүл Төлегенова Димашқа тұрып амандасады, ал Рымбаева көзін де көтермеді»,
– «Не деген тәкаппарлық», – деген пікірлер көптеп жазылды.

Айта кетейік, Димаш Құдайберген – қазақ өнерін халықаралық деңгейде танытып жүрген өнер иесі. Ал Роза Рымбаева – Қазақстан эстрадасының аңыз әншісі, талай буынға ұстаз болған тұлға.