Тағы 144 қазақстандық Израиль мен Ираннан эвакуацияланды

Қазақстан азаматтарын Израиль мен Ираннан эвакуациялау жұмыстары жалғасуда, деп хабарлайды Anyqtime.kz тілшісі ҚР Сыртқы істер министрлігіге сілтеме беріп.

Бейсенбі күні берілген ресми мәлімет бойынша, министрлік үйлестірілген эвакуациялық шаралар аясында:

• Израильден – 66 қазақстандық (Мысыр арқылы);
• Ираннан – 78 азамат (73 адам Армения, 2 – Әзірбайжан және 3 – Түрікменстан арқылы) мүше мемлекеттер арқылы әкелінді.

"Қазақстандық дипломаттар Иран мен Израильде азаматтарымызға қажетті консулдық‑заңдық қолдау көрсетуді жалғастыруда. ҚР СІМ Израиль, Мысыр және Армения билік органдарына ризашылығын білдіріп, Иран, Әзірбайжан және Түрікменстандағы әріптестеріне қолдаулары үшін алғыс айтады. Осы бірлескен күш-жігердің арқасында көп азаматтар қауіпсіз түрде отанына оралу мүмкіндігіне ие болды", – делінген ведомство жариялаған хабарламада.

Айта кетейік, 2025 жылғы 18 маусымда СІМ-нің хабарлауынша, Ираннан 109 қазақстандық эвакуацияланған. Олар Түрікменстан мен Әзірбайжан арқылы жеткізілген еді.