Клубтық әлем чемпионатының В тобындағы соңғы турда Париждің ПСЖ командасы «Сиэтл Саундерсті» 2:0 есебімен тізе бүктіріп, жарыстың келесі кезеңіне жолдама алды, деп хабарлайды Anyqtime.kz.
Кездесу Сиэтл қаласындағы «Люмен Филд» стадионында өтті. Ойынға чилилік төреші Кристиан Гарай қазылық етті.
35-минутта Хвича Кварацхелия бұрыштамадан кейін есеп ашып, жеңіс голын соқты. Ал 68-минутта қорғаушы Ашраф Хакими нәтижені еселеп, командасының басымдығын арттыра түсті.
Үш ойын қорытындысы бойынша ПСЖ 6 ұпай жинап, В тобынан 1/8 финалға өтті. Ал «Сиэтл Саундерс» топтық кезеңді ұпайсыз аяқтап, жарыстан тыс қалды.
Матчқа шолу: «ПСЖ» — «Сиэтл Саундерс»