2025 жылғы 24 маусымда Ұлттық статистика бюросы қазақстандықтардың орташа жасы туралы мәліметтерді жариялады, деп хабарлайды Anyqtime.kz
2024 жылдың басындағы статистикалық деректерге сәйкес, Қазақстан халқының орташа жасы – 32,3 жас. Соңғы бес жылда бұл көрсеткіш 31,9 жастан өсіп отыр.
«Ерлердің орташа жасы – 30,7 жас, әйелдердің орташа жасы – 33,9 жас», – деп мәлімдеді Ұлттық статистика бюросы.
Өңірлер бөлінісінде ең төменгі орташа жас келесі аймақтарда тіркелген:
- Түркістан облысы – 27,7 жас
- Маңғыстау облысы – 27,8 жас
- Шымкент қаласы – 27,8 жас
Ал ең жоғары орташа жас мына өңірлерде байқалды:
- Солтүстік Қазақстан облысы – 39,2 жас
- Шығыс Қазақстан облысы – 38,9 жас
- Қостанай облысы – 38 жас
«Қалалық тұрғындардың орташа жасы ауыл тұрғындарымен салыстырғанда жоғары – тиісінше 32,7 және 31,7 жас», – деп қосты бюро.
Айта кетейік, 2025 жылғы 2 маусымда Қазақстан халқының санына қатысты жаңартылған ресми деректер де жарияланған болатын.