Қазақстанда жаңа Chevrolet көліктері айтарлықтай арзандады. Брендтің ресми дистрибьюторы бұл ақпаратты растады, деп хабарлайды Anyqtime.kz тілшісі KursivMedia-ға сілтеме жасап.
Кемінде үш модельдің құны төмендеген. Мысалы:
Cobalt (Optimum жиынтығы): 8,19 млн → 7,29 млн теңге
Onix: 1 млн теңгеге арзандап, 6,99 млн теңге
Tracker кроссовері: бастапқы бағасы 9,99 млн теңгеден басталады
Компания өкілдерінің айтуынша, бұл шешім нарықтағы жағдай мен тұтынушы сұранысына байланысты қабылданған.
«Көліктерді бұрынғыдан да қолжетімді ету үшін баға қайта қаралды. Біздің мақсат – клиенттердің сенімін сақтап, сұранысты қанағаттандыру», – делінген ресми мәлімдемеде.
Қазіргі автонарықтағы ахуал
Қазақстанда әрбір екінші көлік несиеге алынады.
Орташа автонесие сомасы – 6,4 млн теңге.
Ең көп таңдалатын баға диапазоны: 3–10 млн теңге.
2024 жылдың мамырында елімізде 19 377 көлік сатылған.