Сақ болыңыз! Синоптиктер қатты ыстық пен бұршақ болатынын ескертті

Қазақстанда 26 маусым күні ауа райы күрт құбылуы мүмкін. Бұл туралы "Қазгидромет" РМК мәлімдеді, деп хабарлайды Anyqtime.kz.

Синоптиктердің болжамынша, бейсенбі күні еліміздің бірқатар өңірінде қатты ыстық пен жауын-шашын қатар жүреді. Кей жерлерде бұршақ жауып, дауыл соғып, найзағай ойнайды.

Қатты ыстық болатын аймақтар:

Алматы, Жетісу облыстары: +35...+39°С

Жамбыл облысы: +38°С

Түркістан облысы (шөлейтті аймақтар): +41°С

Алматы облысының солтүстік, батыс және орталығы, Жетісу облысының оңтүстік пен шығысы: +42°С-қа дейін

Тұрақсыз ауа райы мен дауыл күтілетін өңірлер:

Циклон мен атмосфералық фронттардың әсерінен еліміздің батысында, солтүстік-батысында, шығысында және орталығында жауын-шашын күтіледі. Кей аймақтарда қатты жаңбыр жауып, бұршақ түсіп, дауыл тұрады. Жел күшейіп, түнде және таңертең солтүстік пен солтүстік-батыста тұман түсуі мүмкін.

Дауылды ескерту мен өрт қаупі:

Жоғары өрт қаупі – Абай, Павлодар, Ақмола, Жамбыл, Батыс Қазақстан, Солтүстік Қазақстан, Атырау, Маңғыстау, Шығыс Қазақстан облыстарының бірқатар аумақтарында.

Төтенше өрт қаупі – Алматы, Жамбыл, Қызылорда, Түркістан, Қарағанды, Ұлытау, Ақтөбе, Атырау, Маңғыстау, Қостанай, Жетісу, Абай және Шығыс Қазақстан облыстарында.

Мамандар тұрғындарды сақ болуға, қажет жағдайда сапарлардан бас тартуға және ауа райының өзгерісін бақылап отыруға шақырады.