2025 жылы сәннен шыққан топ-10 бұйым

АҚШ-тың беделді Business Insider басылымының редакторлары, стилистері мен дизайнерлері 2025 жылы сәннен қалған гардеробтағы 10 затты атады, деп хабарлайды Anyqtime.kz

Басылымның мәліметінше, қиылған (жыртылған шеттері бар) шортылар өзектілігін жоғалтқан – олардың орнын тігілген, өңделген шеттері бар нұсқалар басқан. Ал шағын күннен қорғайтын көзілдіріктер енді сәнде емес – енді ірі жиектері бар көзілдіріктер сәнге айналды. Сонымен қатар, оқырмандарға логотиптері көп киімдерден, сондай-ақ биік табанды (платформадағы), оның ішінде "ugly-shoes" деп аталатын аяқ киімдерден бас тартуға кеңес берілді.

Мамандар сәнқойларға енді денеге жабысып тұратын шалбарларды алыс сөреге қойып, кең пішімді джинсыларды киюге кеңес береді. Сондай-ақ, неон түсті киімдерден гөрі бейтарап реңктердегі гардероб заттарын таңдаған жөн дейді.

Сонымен қатар, редакторлар ашық иықты топтарды, күтімі қиын "талапшыл" маталардан тігілген киімдерді және классикалық балеткаларды да ескірген стиль деп атады. "Денеге жабысып тұратын киімдерді ұмытыңыз. Кем дегенде бір элемент кең пішімді (оверсайз) болуы керек", – деп қорытындылады сән сарапшылары.