Актер, режиссер әрі продюсер Рүстем Жаныаманов өнердегі серігі Дариға Бадықоваға қатысты ойын бүкпесіз айтып берді, деп хабарлайды Anyqtime.kz тілшісі.
Журналист Асмира Ермекқызына берген сұхбатында ол Дариғаны әріптес ретінде қызғанатынын жасырмады.
— Партнер ретінде қызғанамын. Бұл күлкілі естілсе де – шындық. Қанша дегенмен бауыр басып қаласың. Кейде «Жарайды, өзің түсір деп бұлданып қаламын». Мысалы, Олжаспен түсейін деп жатыр екенсің ғой десе, «е, жарайды енді...» деп ішімнен біртүрлі болып қаламын. Бұл – әзілмен аралас шындық, – деді актер.
Айта кетейік, Рүстем мен Дариға бірнеше ортақ жобада бірге жұмыс істеген, көрермен оларды жиі экраннан серіктес ретінде көреді.