Қазақстандық оқушылар 2025 жылы қашан аттестат алады: министрлік нақты мерзімді атады

Қазақстан мектептерінде оқушыларға аттестат тапсыру мерзімі белгілі болды. 2025 жылы негізгі және жалпы орта білім туралы аттестаттар 18–20 маусым аралығында табысталады, деп хабарлайды Anyqtime.kz Оқу-ағарту министрлігінің баспасөз қызметіне сілтеме жасап.

📝 9-сынып оқушылары үшін емтихан уақыты

29 мамыр – 10 маусым 2025 жыл аралығында 9-сынып оқушылары төрт негізгі пән бойынша жазбаша қорытынды емтихан тапсырады. Бұл сынақ жалпы орта білім беру кезеңін аяқтау үшін қажет.

🎓 11-сынып түлектерінің мемлекеттік аттестациясы

2025 жылғы 30 мамыр мен 16 маусым аралығында 11-сынып түлектері бес пән бойынша емтихан тапсырады. Бұл емтихандардың бірі ауызша түрде өтеді.

🗓 Аттестат тапсыру рәсімі

Негізгі (9-сынып) және жалпы орта (11-сынып) білім туралы аттестаттарды салтанатты түрде табыстау 2025 жылдың 18-20 маусымы аралығында өтеді.