2025 жылғы 1 шілдеде Ұлттық статистика бюросы Қазақстан халқының санына қатысты жаңа мәліметтерді жариялады, деп хабарлайды Anyqtime.kz
Бюроның Telegram-арнасында жарияланған статистикалық деректерге сәйкес:
"2025 жылғы 1 маусымдағы жағдай бойынша Қазақстан халқының саны 20 370 672 адамды құрады."
Бюроның ақпараты бойынша, жыл басынан бері халық саны 87,2 мың адамға артқан, оның ішінде:
- табиғи өсім есебінен – 80 мың адамға;
- миграциялық өсім есебінен – 7,2 мың адамға.
Статистикалық мәліметтерге сәйкес, еліміздің жеті өңірінде халық саны 1 миллион адамнан асқан:
Алматы қаласы – 2 314 929 адам
Түркістан облысы – 2 150 992 адам
Алматы облысы – 1 575 657 адам
Астана қаласы – 1 566 566 адам
Шымкент қаласы – 1 274 296 адам
Жамбыл облысы – 1 220 481 адам
Қарағанды облысы – 1 133 068 адам
Бұған дейін Ұлттық статистика бюросы Қазақстандағы ерлер мен әйелдердің орташа жасы туралы да мәлімет берген болатын.