Шымкентте керікке туған күн жасап берді – Астана есімді жануар елді тәнті етті!

6 шілде күні Шымкент зообағының ең жұлдызды жануарларының бірі – Астана есімді керік туған күнін атап өтті, деп хабарлайды Anyqtime.kz

«Астана есімі оған Астана күні құрметіне берілген, өйткені ол дәл осы күні дүниеге келген. Күніне 30 келіге дейін жапырақ жейді және бар болғаны бірнеше сағат қана ұйықтайды – керік күтімді көп қажет етпейді және табиғатпен толық үйлесімде өмір сүреді», – делінген зообақтың хабарламасында.

Иесінің туған күні қалай аталып өткенін әлеуметтік желілерде бөлісті. Желі қолданушыларының айтуынша, бұл керік тек атақты есімімен ғана емес, сабырлы мінезі мен сымбатты келбеті арқылы да көпшіліктің сүйіктісіне айналған.

6 шілде – Шымкент зоосаябағындағы ерекше жануарымыз, керік Астананың туған күні.
Ол – сабырлы мінезі мен сымбатты келбеті арқылы көрермендердің сүйіктісіне айналған нағыз жұлдыз.
Астана күні дүниеге келгендіктен, оған осы атаулы күннің құрметіне есім берілген.
Күніне 30 келі жапырақ жеп, бар болғаны бірнеше сағат қана ұйықтайтын бұл керік – күтімі жеңіл, табиғатпен үйлесімде өмір сүретін жануар.
Жыл сайын шілденің 6-сы күні оның туған күні дәстүрлі түрде тойланады.
Биылғы мерекеде біз оған арнайы торт дайындап, көрермендермен бірге ерекше көңіл күйде атап өттік.
Туған күніңмен, Астана!- деп пікір қалдырған Шымкент саябағы Instagram парақшасында.

Биылғы жылы туған күніне орай керікке қарбыздан арнайы торт дайындалған.