Anyqtime.kz хабарлағандай, диетолог Марта Фигерас қауынның құрамында жүрек-қантамыр ауруларының қаупін төмендетуге көмектесетін аденозин бар екенін айтты.
20minutos басылымының сарапшыға сілтеме жасап жазуынша, аденозин ағзада түрлі процестерді реттеуге қатысады – ұйқы мен сергектік режимін қалыптастыруға көмектеседі, қабынуға қарсы әсер етеді және жасушаларда энергия тасымалдау қызметін атқарады. Бұл химиялық қосылыс жүрек-қантамыр жүйесіне оң әсер етеді.
«Қауынға молынан тән аденозин тромбтың, стенокардияның және инсульттің алдын алуға көмектеседі. Сонымен қатар бұл өнім аскорбин қышқылы мен В дәруменіне бай, олар жүйке жүйесінің босаңсуына ықпал етеді», – деді маман.
Сондай-ақ, қауынның көздің тор қабығының саулығын қолдайтын С дәруменіне бай екені айтылды. Каталониядағы Көздің денсаулығы институты жанындағы Барселоналық офтальмологиялық орталықтың мамандары қауынның бірнеше аурудың, соның ішінде катарактаның дамуына жол бермеуге көмектесетінін мәлімдеді. Бұл әсер өнімнің С дәруменіне бай болуымен түсіндіріледі.
Бұған дейін шоколадтың адамдарды неге бақытты ететіні жайлы хабарланған болатын.