Белгілі блогер Нұрдәулеттің анасы ұлының жеке өміріне қатысты алғаш рет ашық пікір білдірді, деп хабарлайды Anyqtime.kz.
Көпшілік арасында қызу талқыланып жүрген мәселе — Нұрдәулеттің актриса әрі продюсер Құралай Анарбековамен қарым-қатынасы. Алайда анасы бұл жайында нақты ештеңе білмейтінін және Құралаймен әлі таныспағанын айтты.
– «Мұндай сұрақтар жиі қойылады. Бірақ ұлым маған: “Үйленетін қызымды туған күніңде таныстырамын” деген еді. Туған күнім өтті, бірақ әзірге ешкімді таныстырған жоқ. Ол енді жас емес, өз шешімін өзі қабылдайтын азамат. Менің міндетім — қандай шешім болса да, қолдау көрсету. Оның атақ-абыройы, мансабы емес, бақытты отбасы құрғаны маңызды», – деді анасы.
Сондай-ақ, болашақ келіннің өз ұлтынан болғанын қалайтынын да ашық білдірді.
– «Өзіміздің дәстүрді, тілді, тәрбиені білетін келін отбасының берекесін арттырады. Сондықтан келіннің қазақ болғанын қалар едім», – деді ол.
Айта кетейік, бұған дейін әлеуметтік желілерде Нұрдәулет пен Құралай Анарбекованың арақатынасы жайлы түрлі болжамдар тараған болатын. Алайда бұл ақпарат ешбір тараптан ресми түрде расталған жоқ.