Қазақстанның бірнеше өңірінде +40°C-қа дейін аптап ыстық күтіледі
Ақбер Қуаныш
Автор2025 жылғы 24 маусым, сейсенбі күні еліміздің бірқатар өңірінде аптап ыстық күтіледі. Бұл туралы "Қазгидромет" РМК мәлімдеді, деп хабарлайды Anyqtime.kz.
Синоптиктердің болжауынша, күндізгі уақытта Жамбыл облысы мен Түркістан облысының батысы мен шөлейтті аудандарында ауа температурасы +40°C-қа дейін көтерілуі мүмкін. Сонымен қатар, Алматы, Жетісу және Абай облыстарының оңтүстігінде +35…+38°C шамасында қатты ыстық болады.
Бұған қоса, еліміздің басым бөлігінде атмосфералық фронтальды бөліктердің ықпалымен найзағайлы жаңбыр, бұршақ және екпінді жел күтіледі. Әсіресе, батыс, оңтүстік-батыс, шығыс, солтүстік және орталық аймақтарда нөсер жауын мен бұршақ болуы ықтимал. Солтүстік өңірлерде түнгі және таңғы уақыттарда тұман түседі.
Гидрометеорологиялық орталық төтенше өрт қаупі туралы да ақпарат таратты:
Жоғары өрт қаупі: Абай, Павлодар, Ақмола, Жамбыл, Батыс Қазақстан, Солтүстік Қазақстан, Атырау, Маңғыстау және Шығыс Қазақстан облыстарының бірқатар бөлігінде;
Төтенше өрт қаупі: Алматы, Жамбыл, Қызылорда, Түркістан, Қарағанды, Ұлытау, Ақтөбе, Атырау, Маңғыстау, Қостанай, Жетісу, Абай және Шығыс Қазақстан облыстарының көптеген аудандарында жарияланды.
Мамандар тұрғындарға қауіпсіздік шараларын қатаң сақтау және ауа райының күрт өзгерістеріне дайын болуды ескертеді.
